Mawaziri wa NATO wazungumzia kuhusu gesi ya sumu iliyotumika Syria

...................

Mjumbe  maalum  wa  Umoja  wa  Mataifa  nchini  Syria  Lakhdar Brahimi  amesema  leo  kuwa  mkutano  wa  kimataifa  mjini  Geneva haujapangiwa  tarehe  maalum kujadili  mzozo  nchini  Syria , lakini kutakuwa  na  mkutano  wa  matayarisho utakaofanyika  Juni 25.Brahimi aliyasema hayo baada ya kukutana mjini Geneva na maafisa wa Marekani na Urusi kuzungumzia maandalizi.
Wakati  huo  huo taarifa  mpya  kwamba  Ufaransa  imethibitisha matumizi  ya  gesi  ya  Sarin  nchini  Syria  zimezusha  majadiliano pembezoni  mwa  mkutano  wa  mawaziri  wa  ulinzi  wa  NATO  mjini Brussels , lakini  umoja  huo  bado  unasita  kuamua  mipango  kamili kwa  ajili  ya  operesheni  nchini humo. Waziri  wa  mambo  ya  kigeni wa  Ufaransa Laurent Fabius amesema serikali  ya  Syria inabeba lawama za  mashambulio  hayo.
Wakati  huo huo  waasi  nchini  Syria  wamekiri  kuwa  wameupoteza mji  muhimu  wa  Qusayr  baada  ya  kuudhibiti  kwa  zaidi  ya mwaka  mmoja.

Na dw swahili GIVE YOUR OPINIONS HERE