MAKONDA ASEMA;WANAOHAMA DAR KUPEWA BARUA ZA UTAMBULISHO..!!!

...................

MKOA wa Dar es Salaam unajiandaa kuweka utaratibu wa kuhakikisha kunakuwa na utaratibu wa kutoa barua za utambulisho kwa wakazi wanaohama kutoka sehemu moja kwenda nyingine, ikiwa ni mkakati wa kudhibiti uhalifu hususani wizi na unyang’anyi.

Utaratibu huo utakuwa ukisimamiwa na viongozi wa serikali za mitaa kutoa barua hizo ambazo zitakuwa na taarifa za tabia za mkazi huyo huko alikotoka kabla ya kupokewa eneo analotaka kuhamia.

 Mkuu wa Mkoa wa Dar es Salaam Paul Makonda alisema wameamua kuandaa utaratibu huo ili kupunguza matukio ya wizi ambayo yamekithiri katika maeneo mbalimbali jijini humo.

Aliongeza kuwa hapo awali waliwataka wenyeviti wa mtaa kuwatambua wananchi wao na shughuli wanazozifanya lakini kuna baadhi ya wananchi wamekuwa hawataki kutambuliwa hivyo kuanza kwa utaratibu huo kutawezesha wenyeviti kuwatambua watu hao kabla ya kupokelewa katika maeneo yao.

“Tutapambana vipi kupunguza uhalifu na ujambazi wakati hamtaki hata watoto wenu wajulikane wanafanya kazi, mmekuwa watu wa kueleza matatizo tu lakini tukitafuta majawabu hamtaki, hii ina faida kwa ajili ya kuwatambua vibaka, majambazi, wauza dawa za kulevya na wale wanaokaa bila kazi yoyote,” alisema Makonda

chanzo: swahilinews.co.tz

GIVE YOUR OPINIONS HERE