KIKONGWE ACHINJWA KATIKA UGOMVI WA KIWANJA SUMBAWANGA

...................

Mkazi  wa kijiji  cha Chombe  katika Bonde la Ziwa Rukwa  wilayani Sumbawanga, Costantine Samson 'Siwale' (60)  ameuawa kwa  kuchinjwa  na  mtoto wa kiume  wa  mdogo  wake  kutokana na  ugomvi uliosababishwa na  mgogoro wa kiwanja cha kujenga nyumba.

Kamanda wa Polisi Mkoa wa Rukwa, Jacob Mwaruanda alisema mauaji hayo yalitokea  Julai 16, mwaka huu  na kumtaja mtuhumiwa wa mauaji kuwa ni Lige Claudi.
Kwa mujibu  wa Mwaruanda,  mtuhumiwa  alichukua panga  na kumjeruhi baba  yake mdogo  kichwani  na kusababisha kupoteza fahamu na damu  nyingi  na kisha  akatumia panga  hilo  kutenganisha kichwa  na kiwiliwili  chake.
Mwaruanda alisema  baba mdogo  na  mwanawe  walikuwa wakigombea  kiwanja hicho ambacho kiliachwa  na  marehemu  baba  mzazi  wa mtuhumiwa  huku kila mmoja akidai ndiye mwenye uhalali wa kujenga  nyumba  hapo.
Inadaiwa mtuhumiwa alitoroka na anatafutwa na polisi

Thanks ziro99 GIVE YOUR OPINIONS HERE